Unterm Birnbaum Brotzeit macha

mittn in da Nacht Apferadl bacha

Mitananda kreizworträtsln,
politisiern mit unsre Spezln

Stundnlang beim Italiener hocka,
fürn Datschi pfundweis Zwetschgn brocka

Mitm Schifferl fahrn am Inn
und auf da Donau- bis nach Wien

Am Bankerl sitzn, Sternderl schaun,
a krachert bunts Voglhäisl baun

A Wochenend lang richtig prassn,
im 4 Stern Hotel ses guad geh lassn

Dreißig Leit zu am Festl eilodn
und dafür zwoa Stund hundert Fleischpflanzl brodn

Im Schniadlreng spazieren geh,
mit mTretboot fahrn am Baggersee

Beim Musi macha d Zeid vagessn,
auf Duid fahrn zum Fischsemme essn

An ganzn Dog im Bett vabringa,
mid Schmusn und Prosecco dringa

Manchmoi streitn, ober glei
wieder guad midnanda sei

Und wenns hart kimmt, dann kann sie Oana
ganz sicha an den Andern loana

Mit de Enkl an Ausflug macha,
beim Kabarett se bucklig lacha

Am Sonntag mit am Marmorkuacha,
die Bayerwoid-Verwandtschaft bsuacha

Im Auto ganz laut Oldies singa,
se gegenseitig Bleamal bringa


Moi wieda s radlfahrn probiern
Jedn Dog des Leben spürn-
mit dir!

Muehlbachhexe1