KNEVELLÜTT UN SÖTJEMAID

nach einem Märchen von Hermann Löns, in ostfriesischem Platt nacherzählt und illustriert, mit Übersetzung von mir, Elke Bontjer-Dobertin / elbondo /
Teil 1

Dor weer mal een groten Steenbarg. Vör Tieden harrn Lü dor Koppstenen herutkloppt. Al lang kümmer sük nüms mehr um disse Stee. Nu wahnden dor Moosdwargen.

Twee van denent wassen Mann un Fro. Se harrn een lüttjen Jung. Un wieldat de noch lüttjerder was as de Kinnerkes van Dwargen un Eerdmanntjes van Natur ut sünd, nömden se hum „Knevellütt“.
Knevellütt was so lüttjet, dat he in de Schill van een halv Walnöt slapen kunn. De oll Dwargen harrn hör eenzigst Kind düchdig leev. He kreeg de allerbeste un leckerste Saken to eten:
Blömenhönnig up ’t Nötenbrood. Eerdjebejen harr sien Mama in ´t Holt sammelt; Brummelbejen, de Moder Dwarg an Slootskanten plückt harr un noch völ anner feine Slickeree. To drinken geev se de lüttje Fent de Dau, de smörgens van de Grashalms drüppken dee. Sien Spölgoodje wassen gollen Tiekenflögels; sülvern Düvelspeeroogjes; Iessteen, de bi Sünnenlücht glinstern dee un Steentjes in all Klören.

As Knevellütt groterder wuur un bi lüttjen Künn kreeg, dochen sien Ollen, dat he wat lehren muss.

Übersetzung:
Da war mal ein großer Steinberg. Vor Zeiten hatten Leute da Kopfsteine herausgeklopft. Schon lange kümmerte sich niemand mehr um diese Stelle. Jetzt wohnten dort Mooszwerge.
Zwei von denen waren Mann und Frau. Sie hatten einen kleinen Jungen. Und weil der noch kleiner war als die Kinderchen von Zwergen und Erdmännchen von Natur aus sind, nannten sie ihn "Knevellütt".
Knevellütt war so klein, dass er in der Schale einer halben Walnuss schlafen konnte. Die alten Zwerge hatten ihr einziges Kind tüchtig lieb. Es bekam die allerbesten und leckersten Sachen zu essen.
Blumenhonig auf Nüssebrot. Erdbeeren hatte seine Mama im Wald gesammelt; Brombeeren, die Mutter Zwerg an Grabenkanten gepflückt hatte und viele andere feine Leckereien.
Zu trinken gab sie dem kleinen Knaben den Tau, der morgens von den Grashalmen tropfte. Sein Spielzeug waren goldene Käferflügel; silberne Libellenäuglein; Kristalle, die bei Sonnenlicht glitzerten und Steinchen in allen Farben.
Als Knevellütt größer wurde und bei kleinem Verstand bekam, dachten seine Eltern, dass er was lernen musste.